Материалдар

"Ұстаз аты биік, әрі мәңгілік"

Толығырақ

Жарияланды 19.10.2021 15:39

Мектебімізде ұстаздар күніне орай "Ұстаз аты биік, әрі мәңгілік" салтанатты шара өткізілді. Мереке қарсаңында өзінің Ұстаздық жолында дара жолы бар нағыз Ұстаз деген сөзді өзінің кәсіби
шеберлігін шыңдауда ойы мен сөзі бір жерден шығып және ісінен айқын көрінетін істерімен дәлелдеп, Ұстаз атын биік ұстаған асыл жанмен кездесу кеші өткізілді. Ардагер ұстазымыз мерейлі жас асқарлы 60жасқа зейнеткерлік демалысына шыққан 40жыл ұстаздық еткен, ҚР "Білім саласының үздігі" Дауенова Ғалима Зейнетуллақызы қонақта болды.Кештің мақсаты: "әркімнің өз дара жолы бар, әсіресе Ұстаз аты биік, әрі мәңгілік" екенін, Ұстаздық жолдың құрметті екендігін дәріптеу. Мерекелік шарамызды құттықтау тілегімен мектебіміздің директоры Жакупова Нурмира Өміржановна сөз сөйлеп ізгі тілегін білдірді. Осы білім ордасында ардагер ұстаз тәрбие ісінің меңгерушісі өзін-өзі тану пәнінен жас ұрпаққа сапалы білім беруде аянбай еңбек етті. Салтанатты жиынға мектеп мұғалімдері мен оқушылар қатысты."Ұяда не көрсең, ұшқанда соны ілерсің" дегендей өнегелі ұстаздан жақсы шәкірт шығатыны сөзсіз. Осы орайда онлайн-құттықтаулар да келіп жетті, түлектерінің құттықтаулары, жас ұстаздардың лебізі, жан жақтан жылы лебіздер келіп жатты. Салтанатты шараның соңы мектептің өнерпаз жастарының ұстаздарына тарту ретінде әзірлеген концерттік бағдарламасына ұласты. Мектеп оқушыларының ұйымдастыруымен ән – сазды бағдарлама өткізілді. Бағдарлама барысында мектеп оқушылары өздерінің шығармашылық өнерлерін көрсетіп, ұстаздарға және ардагер ұстазға арналған жылы тілектері мен алғыстарын білдірді.Ардагер ұстазбен оқушылар сұхбаттасып, өнерлерін тамашалап, ризашылығын білдірді.

#ШарбақтыАуданы
#АбайҚұнанбаеватындағыЖалпыОББМ
#ұстазыңдықұттықта
#ұстаздаркүні
@galima_dauyenova