Материалдар
Жасөспірімдер арасындағы құқық бұзушылық пен қылмыстың алдын-алу – басты міндет.
- Толығырақ
- Жарияланды 14.10.2019 16:45
Бүгінгі таңда қоғамның алдында тұрған басты міндеттердің бірі - балалар мен жасөспірімдер арасындағы құқық бұзушылықтың алдын-алу, кәмелетке толмағандар арасындағы қылмыстың өсуіне жол бермеу. Бұл мәселе қазіргі таңда көкейтесті мәселелердің біріне айналып отыр.
«Абай Құнанбаев атындағы орта жалпы білім беру мектебі» КММ 6-11 сыныптардың қатысуымен «Құқық бұзушылық және жасөспірім» атты аудандық жасөспірімдеринспекция қызметкері Сұңқар Мендібайұлы Мейірмановпен кездесу өтті. Ол бала құқығы саласындағы заңдар, өздерінің міндеттері мен құқықтары бойынша, «Бала және отбасы құқығы жайлы халықаралық құжаттармен» таныстырды. Өз сөзінде жасөспірімдерге адамгершілік, сүйіспеншілік, отаншылдық сезімдерін қалыптастыру мақсатында, тәуелсіз мемлекетіміздің заңдарын үйрету,құқық бұзушылықтың алдын алу, заң талаптарын орындауында тоқталды.
Қазақстанда заң бойынша кәмелетке толмаған жасөспірімдерге түнгі сағат 23.00-ден кейін көшеде ата-анасыз жүруге тыйым салынған. Мысалы, мобильдік топпен түнгі уақытта рейдтік іс-шаралардың нәтижесінде жас өспірімдердің заңды өкілінсіз жүргендері анықталса, олардың ата-аналары ҚР ӘҚБтК-нің 442 бабымен әкімшілік жауапкершілікке тартылады. Оқушылар көкейлерінде жүрген сұрақтарын қойып, нақты жауаптар алды, өз пікірлерімен бөлісті.
Абай Құнанбаев атындағы ЖОББМ
