Материалдар

Зерттеу жұмысы

Толығырақ

Жарияланды 25.12.2018 20:15

    Жақында "Жас дарын" мамандандырылған мектебінде ғылыми жобалармен жұмысты ұйымдастыру ерекшеліктеріне арналған практикалық семинар өтті. Семинар жұмысына "Ертіс дарыны" орталығының мамандары, мамандандырылған мектеп директорларының орынбасарлары, дарынды балалармен жұмыс үйлестірушілері, білім бөлімдерінің әдіскерлері қатысты. Семинар тақырыбы:"мектепте оқушылардың ғылыми-зерттеу, іздеу жұмыстарын ұйымдастыру жолдары". Пленарлық отырыста "Ертіс дарыны" орталығының басшысы Гаджинбек Тұрсынов сөз сөйледі.Ол дарынды балалармен жұмысты талдап, проблемалық мәселелерді атап өтті. Семинардың екінші бөлімінде "оқушылардың ғылыми-зерттеу жұмыстарын ұйымдастырудың тиімді әдістері"тақырыбында коучинг өткізілді. Қатысушылар пікір алмасып, атқарылған жұмыстарды талқылады.

   Жалпы ғылыми-зерттеу жұмысы оқушылардың зияткерлік қызметінің бір түрі болып табылады. Зерттеу қызметі деп оқушылардың алдын ала белгісіз шешімі бар шығармашылық, зерттеу міндеттерін шешумен байланысты және ғылымдағы зерттеулерге тән жұмыстың негізгі кезеңдерінің болуын болжайтын қызметі түсініледі. Басты мақсат-алған зерттеу дағдылары негізінде оқушы тұлғасын өзін-өзі жетілдіру. Зерттеу тақырыбын таңдау процесі өте маңызды. Айта кету керек, біздің ауданда зерттеу жұмыстары өз жемісін берудеі. Жақында гимназия сыныптары бар орта мектеп оқушылары республикалық ғылыми-жобалық байқаудың облыстық кезеңінде үздік нәтиже көрсетті. 9 сынып оқушысы Даниял Нурадиль бірінші орынды жеңіп алды, ал 11 сынып оқушысы Дмитрий Лось үшінші орынды иеленді.