Материалдар

«Болашақ бағы» акциясы

Толығырақ

Жарияланды 05.11.2018 17:15

   Жуырда Павлодар облысындағы экология жылы мен «Рухани жаңғыру» бағдарламасы аясында «Болашақ бағы» акциясы өткізілді. Бұл шара мектептер айналасын жасыл ағаштармен көркейту, көгалдандыру мақсатында ұйымдастырылды. Аталмыш шара Павлодар облысының әкімі Болат Бақауовтың бастамасымен жарияланды. Аталған акцияға аудан бойынша үш жүзден аса бірінші сынып оқушылары қатысты. Осындай акция гимназиялық сыныптары бар мектепте де өз деңгейінде өтті. Аталған шараға Шарбақты селосы әкімінің орынбасары Асанали Идрисов, ардагер ұстаздар Татьяна Шторк пен Светлана Борисова, аудандық оқу бөлімінің мамандары, ата-аналар қауымы қатысты. Салтанатты жиыннан кейін мектеп саябағына ағаш көшеттері отырғызылды. Еңбек сабағында дайындалған есімдер жазылған тақтайшалар орнатылды. Шара барысында балалар өздерінің қоршаған ортаға,экология қосқан үлестерін мақтанышпен айтты. Ағаш көшетерін отырғызу ісінде ерекше белсенділік танытты.