«Әке-тәрбие тамыры» атты әкелер жиналысы

Толығырақ

Жарияланды 31.01.2023 14:00

 Мектебімізде «Әке-тәрбие тамыры» атты әкелер жиналысы ұйымдастырылды. Мақсаты: Отбасы құндылықтарын күшейту , бала тәр иесіндегі ата-аналар қауымдастығының, әкелер жауапкершілігін арттыру. Қатысқан әкелер саны: 51.

   Кеш жүргізушісі мектеп психологі, аудандық «Аналар кеңесінің» жетекшісі А.С.Смайлова келген әкелерге алғысын айтып, шараның өткізілу барысымен таныстырып өтті. Жиналысты ашқан мектеп директоры Н.О. Жакупова жиналған әкелерге ризашылығын білдірді.

  Әкелердің қоғамдағы, отбасындағы ролінің зор екендігіне, отбасы тәрбиесінде аталар мен әкелер жолының ерекше екендігін айта келіп, мектептегі тәрбие мәселелері мен мектептің жайлы жағдайын сөз етті. Әкелер 4 топқа бөлініп, «Балаларды зиянды әдеттерден қорғау», «Еліміздің тарихын білуге тәрбиелеу», «Балаларды дәстүрімізге баулып өсіру қаншалықты маңызды» тақырыптарында пікірлерін ортаға салып, ой бөлісті. Жағдаяттық тапсырмалар орындады.

Шара барысында әкелерге ой тасатамақ мақсатында «Әке, маған уақытыңызды бөліңізші» бейнеролигі көрсетілді. Жиналған әкелер бірауыздан мектепішілік әкелер кеңесінің төрағасы ретінде Радат Айдолданы сайлады. Жиналыс соңында «Әкенің орны бөлек» әнін барлығы қосылып айтып, «шығу парағына» ұсыныстарын жазып, алғыстарын айтып тарады.